Stabat Mater

Stabat Mater dolorosa.
Juxta Crucem lacrymosa,
Dum pendebat Filius.


                          Codex  Aureus Crucifix Lorsch


Cujus animam gementem
Contristatam et dolentem,
Pertransivit gladius.

O quam tristis et afflicta
Fuit illa benedicta
Mater Unigeniti.


                            Berswordt, XVème siècle

Quae moerebat et dolebat,
Pia Mater, dum videbat
Nati poenas inclyti.

Quis est homo qui non fleret
Matrem Christi si videret
In tanto supplicio.

Quis non posset contristari
Christi Matrem contemplari
Dolentem cum Filio.


                                     Crucifixion Bruges

Pro peccatis suae gentis
Vidit  Jesum in tormentis
Et flagellis subditum
Dum emisit spiritum.

Eia Mater, fons amoris,
Me sentire vim doloris
Fac, ut tecum lugeam.

Fac, ut ardea cor meum
In amando Christum Deum,
ut sibi complaceam.

Sancta Mater, istud agas
Crucifixi fige plagas
Cordi meo valide.



Tui Nati vulnerati
Tam dignati pro me pati,
Poenas mecum divide.

Fac me tecum pie flere
Crucifixo condolere,
Donec ergo vixero.

Juxta Crucem tecum stare
Et me tibi sociare
In planctu desidero.

Virgo virginum praeclara,
Mihi jam non sis amara,
Fac me tecum plangere.

Fac ut portem Christi mortem,
Passionis fac consortem,
Et plagas recolere.


    Eglise Saint-Wenceslas; Saint-Louis, Missouri ( Etats-Unis ).

Fac me plagas vulnerari.
Fac me Cruce inebriari,
Et cruore Filii.

Flammis ne urar succensus,
Per te, Virgo, sim defensus
In die judicii.

Christe, cum sit hine exire
Da per Matrem me venire
Ad palmam victoriae.

Quando corpus morietur,
Fac ut animae donetur
Paradisi gloria. AMEN. 


          Tolède, église des Jésuites.